雖然嚟到愛爾蘭，但我都唔會放棄廣東話㗎！
請大家愛護廣東話，支持廣東話，宣傳廣東話，保護廣東話，讓廣東話一代一代咁傳下落去。
如果中國人熱愛中華文化，更應學好廣東話。
唔好以為身邊冇朋友講粵語，就覺得冇乜好學。
唔好以為大家都講普通話，就以為粵語係冇文化嘅方言，就以為被邊緣化。
唔好以為講普通話能夠《我手寫我心》，就係比粵語更有文化同內涵。
作爲中原地區嘅中國人，若果你熱愛中國文化，咁琴棋書畫、四書五經、唐詩宋詞呢？
你地究竟瞭唔瞭解唐詩宋詞？
唐詩宋詞距離現今已經有1300幾年歷史，其實大多數用雅言，即係近似現今所謂粵語寫成，用粵語先能夠讀得通順。
要知道1300年前嘅唐代根本就仲未出現而家所謂普通話，普通話係大概 500年前北方蒙滿胡語雜交變種流傳至今嘅語言，不管詞彙、用詞、都比歷史久遠嘅廣東話單薄粗疏得多喇。
如果你講熱愛中國文化，你就應該學好廣東話，否則你睇咁多古籍和唐詩宋詞就會睇唔明，俾啲例子你：
蘇軾:「寧可食無肉，不可居無竹，無肉令人瘦，無竹令人俗，人瘦尚可肥，士俗不可醫」嘅【食】字同【肥】字，正是廣東話。日常例子例如～食飯、食嘢、好好食、肥仔、肥佬、肥騰騰。普通話唔係用「食｣，係用「吃｣，唔係用「肥｣，係用「胖｣｡
李白:「人生得意需盡歡，莫使金樽空對月」嘅【樽】字，正是廣東話。日常例子如～買一樽豉油返屋企、飮返樽啤酒先、呢個玻璃樽入面係乜嘢來㗎？普通話唔係用「樽｣，係用「瓶｣，一瓶、瓶子｡
詩經：「行行重行行，與君生別離」嘅【行】字，正是廣東話。行行重行行意思係：行下，停下，再行下，又再停下，非常之依依不捨……廣東話日常例子如～行路、行街睇戲、行出去、行花市、行咗幾遠呀？普通話係用「走」或「逛｣，走路、逛街｡
杜甫:「朱門酒肉臭，路有凍死骨」嘅【凍死】，正是廣東話。廣東話日常例子如～好凍、凍冰冰。普通話唔係用「凍」係用「冷｣｡
李白:「舉頭望明月，低頭思故鄉」嘅【望】字，正是廣東話。廣東話日常例子如～望住前面、唔好四圍望、望乜嘢？普通話唔係用「望」係用「看｣｡
杜甫:「肯與鄰翁相對飲，隔籬呼取盡餘杯」嘅【隔籬】，正是廣東話。廣東話日常例子如～我就住喺你隔籬、隔籬鄰舍、搬過隔籬屋。普通話唔係用「隔籬」係用「隔壁」或「鄰居｣｡
李煜的「問君能有幾多愁？恰似一江春水向東流」嘅【幾多】，正是廣東話。廣東話日常例子如～幾多錢？幾多個？普通話唔係用「幾多」係用「多少｣。
太多太例子，唔洗多講，有興趣自己去查下答案！
粵語
有著千幾年深厚歷史文化基礎，係傳承著中華古代文明，推普冇問題，但倡議廢粵、貶粵、打壓粵語；絕對是破壞中華文化傳承嘅文盲行爲。仲有，唐詩真係要用粵語來讀先至啱。 以上都係有力證據去保衞廣東話!
